Home >>> సినిమా > బ్రేకింగ్: పోలీస్ స్టేషన్ కు రాజ్ తరుణ్
టాలీవుడ్ యువ హీరో రాజ్ తరుణ్, లావణ్య వ్యవహారం ఏ మలుపు తిరుగుతుందో అనే ఆసక్తి అందరిలో నెలకొంది. ఈ వ్యవహారానికి సంబంధించి లావణ్య వెనక్కు తగ్గకపోవడం ఒకటి అయితే రాజ్ తరుణ్... ఆమె ప్రవర్తన గురించి బయట పెట్టిన వీడియోలు ఒక ఎత్తు. ఇక నేడు రాజ్ తరుణ్ ను పోలీసులు విచారించే అవకాశం కనపడుతోంది. నేడు నార్సింగ్ ఎస్ హెచ్ ఓ ముందు రాజ్ తరుణ్ హాజరు కానున్నాడు.
గతంలో రాజ్ తరుణ్ పై ఫిర్యాదు చేసిన లావణ్య ఫిర్యాదుతో నార్సింగి పోలీసులు కేసు నమోదు చేసారు. ముందస్తు బెయిల్ మంజూరు చేయాలని హైకోర్టులో పిటిషన్ వేసాడు రాజ్ తరుణ్. దీనితో కోర్ట్ ముందస్తు బెయిల్ మంజూరు చేసింది. ప్రతి శనివారం నార్సింగ్ పోలీసుల విచారణకు హాజరు కావాలని హైకోర్టు ఆదేశాలు ఇవ్వడంతో రాజ్ తరుణ్ నేడు విచారణకు హాజరు అవుతున్నాడు. 8 వారాలపాటు నార్సింగ్ పోలీసులు ముందు హాజరు కావాలని రాజ్ తరుణ్ కు హైకోర్ట్ ఆదేశాలు ఇచ్చింది.
