Home >>> పాలిటిక్స్ > తెలంగాణా సిఎంలపై చంద్రబాబు కామెంట్స్
తెలంగాణాలో కచ్చితంగా తెలుగుదేశం పార్టీని బలోపేతం చేస్తామన్నారు ఆ పార్టీ అధినేత చంద్రబాబు నాయుడు. శనివారం ఎన్టీఆర్ ట్రస్ట్ భవన్ కు వెళ్ళిన చంద్రబాబు... పార్టీ నేతలు, కార్యకర్తలతో మాట్లాడారు. ఈ సందర్భంగా ఆయన కీలక వ్యాఖ్యలు చేసారు. తాను గతంలో చేసిన అభివృద్దిని తర్వాత వచ్చిన ముఖ్యమంత్రులు కొనసాగించారని పేర్కొన్నారు. రాజకీయంగా పార్టీ బలహీనంగా ఉన్నా కార్యకర్తల బలం ఉందన్నారు. అందరినీ చూడడానికి ఇక్కడికి వచ్చాను అన్నారు చంద్రబాబు నాయుడు.
ముఖ్య మంత్రి అయ్యాక ఒక్క సారే వచ్చాను అని తెలిపారు. మరి సారి ఇక్కడ అందరినీ కలిసి రెండు గంటలు గడుపుదామని వచ్చానని పేర్కొన్నారు. వారందరి కోసం పార్టీ బలపర్చాలని అనుకుంటున్నాముని స్పష్టం చేసారు. తెలంగాణాలో పార్టీని బలోపేతం చేయాలని నేతలకు దిశా నిర్దేశం చేసారు.
తెలుగు జాతి కోసం పెట్టిన పార్టీ ఇది అన్నారు చంద్రబాబు. హైదరాబాద్‌లోనే టీడీపీ ఆవిర్భవించిందని పార్టీ బలోపేతానికి యాక్షన్‌ ప్లాన్ రూపొందిస్తామని తెలిపారు. కార్యకర్తల మనోభావాల ప్రకారం ముందుకెళ్తాం అన్నారు. ప్రత్యేక పరిస్థితుల్లో ఇక్కడఅధ్యక్షుడిని పెట్టలేదని తెలిపారు. తెలంగాణలో రెండు ఎన్నికల్లో పోటీ చేయలేదన్న ఆయన గతంలో ఇక్కడ ఎంతో అభివృద్ధి చేశామన్నారు. ప్రజలకు పార్టీని అందుబాటులో ఉంచడంపై దృష్టిపెడతామని తెలిపారు.
