Home >>> తెలంగాణ > జన్వాడ ఫాం హౌస్... ఇవాళా రేపా...?
జన్వాడ ఫాం హౌస్ ను కూల్చేందుకు హైడ్రా అధికారులు రంగం సిద్దం చేసినట్టు తెలుస్తోంది. రంగారెడ్డి జిల్లా శంకర్ పల్లి మండలంలోని జన్వాడలో ఉన్న ఫాం హౌస్ ను కూల్చేందుకు హైడ్రా అధికారులు సర్వే కూడా పూర్తి చేసారు. ఈ రోజు సాయంత్రం ఫాం హౌస్ వద్దకు చేరుకున్న ఇరిగేషన్ అధికారులు కొలతలు తీసుకున్నారు. ఆ తర్వాత హైడ్రా అధికారులు అక్కడికి చేరుకొని సర్వే పూర్తి చేసారు.
ఈ సర్వేను హైడ్రా ఉన్నతాధికారులకు అందిస్తారు. ఆ తర్వాత దీనిపై నిర్ణయం తీసుకుంటారు అధికారులు. దాదాపుగా ఈ రోజు సాయంత్రం కూల్చివేత ఉండే అవకాశాలు కనపడుతున్నాయి. ప్రస్తుతం కేటిఆర్ ఢిల్లీ పర్యటనలో ఉన్నారు. ఆయన వచ్చేసరికి కూల్చివేత పూర్తి చేయాలని అధికారులు భావిస్తున్నారు. కేటిఆర్ ఉంటే అడ్డం పడే అవకాశం ఉంటుందని భావించిన అధికారులు ఆయన ఢిల్లీ నుంచి రాక ముందే ఫినిష్ చేయనున్నారు.
