Home >>> తెలంగాణ > కేసీఆర్ ఇంటికి కవిత, ఆసక్తికర సన్నివేశాలు
లిక్కర్ కేసులో బీఆర్ఎస్ ఎమ్మెల్సీ కల్వకుంట్ల కవితకు మొన్న సుప్రీం కోర్ట్ బెయిల్ మంజూరు చేసిన సంగతి తెలిసిందే. నిన్న తన సోదరుడు కేటిఆర్ తో కలిసి హైదరాబాద్ చేరుకున్న కవిత... నేడు ఎర్రవెల్లి ఫాం హౌస్ కు చేరుకున్నారు. భర్త, కుమారుని తో కలిసి వచ్చిన ఆడబిడ్డకు పుట్టినింటిలో ఆత్మీయ ఆహ్వానం లభించింది. దిష్టి తీసి స్వాగతం పలికారు అక్కడి సిబ్బంది. కన్న బిడ్డను చూడగానే కేసీఆర్ భావోద్వేగానికి గురయ్యారు.
అనంతరం కేసీఆర్ పాదాలకు కవిత నమస్కరించారు. ఈ సందర్భంగా కేసీఆర్ లో ఉత్సాహం కనపడింది. తమ అధినేత సంతోషంగా ఉండటంతో ఫాం హౌస్ లో పండగ వాతావరణం నెలకొంది. ఇక కేసీఆర్ పాదాలకు నమస్కరించి ఆశీర్వాదాలు తీసుకున్నారు పార్టీ నేతలు. నేడు మొత్తం కవిత అక్కడే ఉండి రేపు లేదా ఎల్లుండి తన నివాసానికి వెళ్ళే అవకాశం ఉంది. నిన్న సోదరుడు కేటిఆర్ కు కవిత రాఖీ కట్టారు.
