Home >>> జాతీయం > వైరల్ వీడియో: పార్లమెంట్ లో భారీగా వరద నీరు
నూతన పార్లమెంట్ భవనంలో వర్షపు నీరు కారడం పట్ల తీవ్ర స్థాయిలో విమర్శలు వస్తున్నాయి. ప్రస్తుతం ఢిల్లీలో భారీ వర్షాలు కురవడంతో పార్లమెంట్లో వరద నీరు రావడం పట్ల విపక్షాలు మండిపడుతున్నాయి. కేంద్ర ప్రభుత్వం ప్రతిష్ఠాత్మకంగా నిర్మించిన కొత్త పార్లమెంట్ భవనం వరదల్లో చిక్కుకుంది అంటూ కాంగ్రెస్ ఆరోపిస్తుంది. కొద్దిపాటి వర్షానికే భవనంలో పలికి వర్షపు నీరు చేరి ఇబ్బందికరంగా మారిందని పేర్కొంది.
దీనికి సంబంధించిన ఇప్పుడు సోషల్ మీడియాలో వైరల్ గా మారింది. భవనం పైకప్పు నుంచి కూడా నీరు లీకైన వీడియోను కాంగ్రెస్ నేత మాణిక్కం ఠాగూర్ పోస్ట్ చేసారు. రూ.970 కోట్ల అంచనా వ్యయంతో ఈ భవనం నిర్మించగా ఏడాది క్రితం ప్రధాని మోడీ ప్రారంభించారు. పాత పార్లమెంట్ భవనం ప్రస్తుత అవసరాలకు సరిపడటం లేదని కేంద్రం కొత్త భవనాన్ని నిర్మించిన సంగతి తెలిసిందే.
