Home >>> జాతీయం > Chandrayaan-3 : నేడే చంద్రయాన్-3 ప్రయోగం
చంద్రయాన్-3 ప్రయోగానికి రంగం సిద్ధమైంది. జాబిల్లిపై అన్వేషణ కోసం భారత అంతరిక్ష పరిశోధన సంస్థ ఇస్రో ప్రతిష్ఠాత్మకంగా చేపడుతున్న చంద్రయాన్-3 ప్రయోగానికి రంగం సిద్ధమైంది. తిరుపతి జిల్లా శ్రీహరికోటలోని సతీశ్ ధవన్ స్పేస్ సెంటర్ షార్ లో ఈ ప్రయోగానికి నిన్న మధ్యాహ్నం 1.05 గంటలకు కౌంట్ డౌన్ ప్రారంభమైంది. ఈ కౌంట్ డౌన్ దాదాపు 25 గంటల పాటు సాగనుంది.
కౌంట్ శుక్రవారం మధ్యాహ్నం 2:35:13 గంటలకు రెండో ప్రయోగ వేదిక నుంచి ఎల్వీఎం3-ఎం4 రాకెట్ నింగిలోకి దూసుకెళ్లనుంది.చంద్రయాన్ సిరీస్ లో ఇది మూడో ప్రయోగం.ఎల్బీఎం3-ఎం4 భారీ వాహకనౌక ద్వారా ఈ ప్రయోగం చేపట్టనున్నారు. ఈ ఉపగ్రహాన్ని ల్యాండర్, రోవర్ ప్రొపల్షన్ మాడ్యూల్తో అనుసంధానించారు. సుమారు 3,84,000 కి. మీ. ప్రయాణించి చంద్రుని నుంచి వంద కిలోమీటర్ల ఎత్తులోని కక్ష్యలోకి ఇది చేరుకుంటుంది. చంద్రయాన్1 2008 లో ప్రయోగించారు...చంద్రయాన్2 2019 లో ప్రయోగించారు... కానీ విఫలమైంది... కక్షలోకి వెళ్లి చంద్రుని పై లాండ్ అయ్యే సమయంలో రాకెట్ అదృశ్యమైంది.
